India နိုင်ငံ သကြားတင်သွင်းရဖွယ်ရှိနေ

သကြား တင်ပို့လေ့ ရှိသော အိန္ဒိယ အနေဖြင့် အယ်လ်နီညို ရာသီဥတုကြောင့် ယခုနှစ် အတွင်း သကြားတင်သွင်း ရဖွယ်ရှိနေ

အိန္ဒိယ နိုင်ငံ၌ လွန်ခဲ့သည့် တစ်နှစ် အကြာက သကြားပိုလျှံ မှုကြောင့် သကြား မဖြစ်မနေ တင်ပို့ရေး ညွှန်ကြားချက်များ ထုတ်ပြန် ခဲ့ရ
သော်လည်း ယခုအခါ သကြား ဈေးကြီးမြင့် မှုနှင့် သကြား ပြတ်လပ်မှု အလားအလာ တို့နှင့် ရင်ဆိုင် နေရကြောင်း သိရသည်။ ဆယ်စု
နှစ်နှစ်ခု အတွင်း အားအပြင်းဆုံး အယ်လ်နီညို ဖြစ်ပေါ်ခဲ့သဖြင့် အိန္ဒိယ နိုင်ငံ၌ ကြံ စိုက်ခင်းများစွာ ပျက်စီးခဲ့ပြီး သကြား ထုတ်လုပ်မှု
ပမာဏမှာ နှစ်နှစ်ဆက် ကျဆင်းကာ ခုနစ်နှစ်အတွင်း အနိမ့်ဆုံးသို့ ရောက်ရှိဖွယ် ရှိနေသည်။ ထို့ပြင် အိန္ဒိယ စားနပ်ရိက္ခာ ၀န်ကြီး
Ram Vilas Paswan က သကြား ဈေးနှုန်း ထပ်မံမြင့်တက်မှု မဖြစ်စေရန် သွင်းကုန်ခွန် လျှော့ချမှုနှင့် ပို့ကုန် ကန့်သတ်မှု လုပ်ဆောင်
သွား နိုင်ကြောင်း ပြောကြားခဲ့ရာ အိန္ဒိယအစိုးရအတွက် အထိတ်တလန့်ဖြစ်စရာ ကြုံတွေ့ခဲ့ရသည်။

ကမ္ဘာ့ သကြား ဈေးကွက် တွင်လည်း ကုန်လက်ကျန် ငါးနှစ်အတွင်း အနိမ့်ဆုံးသို့ ရောက်ရှိမည် ဟူသော တွက်ဆချက် များကြောင့်
သကြား ဈေးနှုန်းများ လ ၂၀ အတွင်း အမြင့်ဆုံးသို့ ရောက်ရှိနေသည်။ သကြား ထုတ်လုပ်မှု ကျဆင်းခြင်းနှင့် ကုန်လက်ကျန် နည်းပါး
ခြင်းတို့ကြောင့် ကမ္ဘာ့ သကြား စားသုံးမှု အများဆုံး အိန္ဒိယ အနေဖြင့် ၂၀၁၆-၁၇ ရာသီအတွင်း သကြား တန်ချိန် ၂ သန်းမှ ၆ သန်းအ
ထိ ၀ယ်ယူရဖွယ် ရှိနေသည်ဟု RCMA Commodities Asia Pte ကုမ္ပဏီက ထုတ်ပြန်ခဲ့သည်။

“ ထုတ်လုပ်မှု နှောင့်နှေးခြင်း ကဲ့သို့သော မလွှဲမရှောင်သာ အခြေအနေများ ဖြစ်ပေါ်ချိန်မှာ သကြားဈေး ဆက်မြင့်လာပြီး စားသုံးသူ
တွေ အကျပ်ရိုက်မှု မဖြစ်စေဖို့ တင်သွင်းမှု ပြုလုပ်သွား သင့်ပါတယ်” ဟု ဘုံဘေ သကြား ကုန်သည်ကြီး များအသင်း ၏ အထွေထွေ
အတွင်းရေးမှူး Mukesh Kuvadia က ပြီးခဲ့သည့် တနင်္လာနေ့တွင် တယ်လီဖုန်းမှ တစ်ဆင့် ပြောကြားခဲ့သည်။ ကုန်လက်ကျန် ပြတ်
လပ်မှု မဖြစ်ပေါ်ခဲ့ လျှင်ပင် ဈေးနှုန်း ထိန်းချုပ်ရေး အတွက် ၂၀၁၆-၁၇ ခုနှစ်ရာသီအတွင်း သကြားတန်ချိန် ၁ ဒသမ ၅ သန်းမှ ၂
သန်း အထိ တင်သွင်း ရဖွယ် ရှိနေသည်ဟု ၎င်းက ပြောကြားခဲ့သည်။

အောက်တိုဘာ ၁ ရက်တွင် စတင်မည့် ရာသီအတွင်း အိန္ဒိယနိုင်ငံ၏ သကြား ထုတ်လုပ်မှုမှာ တန်ချိန် ၂၃ ဒသမ ၅ သန်း သို့ ကျဆင်း
သွားဖွယ်ရှိနေသည်ဟု ပြီးခဲ့သည့် လက ပြုလုပ်ခဲ့သော Bloomberg စစ်တမ်းတစ်ရပ်အရ သိရသည်။ အဆိုပါ ပမာဏမှာ ထုတ်လုပ်
မှု တန်ချိန် ၁၈ ဒသမ ၉ သန်းသာ ရှိခဲ့သော ၂၀၀၉-၁၀ ခုနှစ် ရာသီနောက်ပိုင်း အနိမ့်ဆုံး ဖြစ်လာလိမ့်မည် ဖြစ်ကြောင်း အိန္ဒိယ
သကြား စက်ရုံ အသင်းချုပ်၏ စာရင်းများက ပြသသည်။ အိန္ဒိယနိုင်ငံ၏ ပြည်တွင်းသကြား လိုအပ်ချက်သည် တန်ချိန် ၂၆ သန်းအထိ
ရောက်ရှိနိုင်သဖြင့် သကြားလက်ကျန် တန်ချိန် ခုနစ်သန်းမှာ တဖြည်းဖြည်း ကုန်ဆုံးလာကာ ပြည်ပမှ ၀ယ်ယူတင်သွင်းရမည့်အနေ
အထားသို့ ဆိုက်ရောက်လာနိုင် သည်။ ဆယ်စုနှစ်သုံးခုကြာ သကြား အရောင်းအ၀ယ် ပြုလုပ်ခဲ့သူ Kuvadia ကမူ အိန္ဒိယ နိုင်ငံ၌
အနည်းဆုံး သုံးလစာအတွက် လုံလောက်သော သကြားလက်ကျန် ရှိနေသည်ဟု ပြောကြားခဲ့သည်။

သကြားဈေး ဆက်လက် မြင့်တက်နေပါက အစိုးရအနေဖြင့် သွင်းကုန်ခွန်လျှော့ချမှုနှင့် ပို့ကုန်ပိတ်ပင်မှုများ လုပ်ဆောင် သွားဖွယ်ရှိ
နေကြောင်း စားနပ်ရိက္ခာဝန်ကြီး ဏျေတညေ က ပြီးခဲ့သည့် စနေနေ့က အင်တာနက်မှတစ်ဆင့် ထုတ်ပြန်ပြောကြားခဲ့သည်။ အိန္ဒိယ
အစိုးရသည် သကြားဈေး ထိန်းချုပ်ရေးနှင့် ဈေးကွက်အတွင်း သကြား လုံလုံလောက်လောက် ၀ယ်ယူရရှိနိုင်ရေး အတွက် စီမံချက်
များ စတင် ဆောင်ရွက် ခဲ့ပြီးဖြစ်သည်။ အိန္ဒိယ စားနပ်ရိက္ခာ ၀န်ကြီး ဌာနသည် သကြားနှင့် အီသနောစက်ရုံ များသို့ ကြံပေးသွင်းနေ
သည့် တောင်သူများထံ တိုက်ရိုက်ပေးချေသော ထုတ်ကုန် ထောက်ပံ့ကြေးအစီအစဉ်ကို ပြီးခဲ့သည့် အပတ်က ရုပ်သိမ်းခဲ့သလို ကုန်
သည်များ ၏ ကုန်စည်သိုလှောင်မှုပမာဏအား ထိန်း ချုပ်နိုင်ရေးအတွက် ကုန်စည်သိုလှောင်မှု သတ်မှတ်ချက်ကို သတ်မှတ်ပြဋ္ဌာန်း
ခဲ့ကြောင်း သိရသည်။

ဘရာဇီးပြီးလျှင် ကမ္ဘာပေါ်တွင် သကြားထုတ်လုပ်မှုအများဆုံးဖြစ်သော အိန္ဒိယနိုင်ငံသည် ၂၀၁၅-၁၆ ခုနှစ် ရာသီ အတွင်း သကြား
တန်ချိန် ၂ ဒသမ ၉ သန်း တင်ပို့ရောင်းချခဲ့ပြီး စတုတ္ထတင်ပို့မှုအများ ဆုံးနိုင်ငံအဖြစ် ရပ်တည်ခဲ့ကြောင်း အမေရိကန်စိုက်ပျိုးရေးဝန်
ကြီးဌာနက ထုတ်ပြန်သော စာရင်းများအရ သိရသည်။ အမေရိကန်ပြည်ထောင်စု၊ နယူး ယောက်မြိှု့ICE ကြိုပွိုင့်ဈေးကွက်တွင်
ဖြစ်ပေါ်သော သကြားကြမ်းကြိုပွိုင့်ဈေးနှုန်း များသည် ပြီးခဲ့သည့်အင်္ဂါနေ့က တစ်ပေါင် လျှင် ၁၆ ဒသမ ၇၉ စင့်၌ ရပ်တည်ခဲ့ပြီး မွန်
ဘိုင်းတွင်ဖြစ်ပေါ်ခဲ့သော သကြားအချောကြိုပွိုင့်ဈေးများမှာ သုည ဒသမ ၄ ရာခိုင်နှုန်း မြင့်တက်ကာ ၁၀၀ ကီလိုလျှင် ၃၅၂၃ ရူပီး
(၅၂ ဒေါ်လာ) တွင် ရပ်တည် ခဲ့ကြောင်း သိရသည်။

သကြား ဈေးနှုန်းများသည် ကြံကြိတ် ရာသီစတင်ခဲ့သော အောက်တိုဘာလ ၁ ရက်နေ့နောက်ပိုင်း ၃၆ ရာခိုင်နှုန်း မြင့်တက်ခဲ့ကြောင်း
သိရသည်။ “ပြည်တွင်း သကြားဈေးနှုန်း ဆက်လက်မြင့်တက်နေပြီး အစိုးရက သွင်းကုန် ခွန်လျှော့ချခဲ့ရင် သကြားတင်သွင်းမှုကို တွေ့
မြင်ရပါလိမ့်မယ်”ဟု Sucden India Pvt. ကုမ္ပဏီ၏ ဦးဆောင်ညွှန်ကြားရေးမှူး Wadhwana က တယ်လီဖုန်းမှတစ်ဆင့် ပြောကြားခဲ့
သည်။ “လောလောဆယ် ကုန် ပြတ်လပ်မှု မဖြစ်ပေါ်သေးသလို တင်သွင်း မှုလည်း မပြုလုပ်ရသေးပါဘူး”ဟု ၎င်းက ပြောကြားခဲ့
သည်။

credit: The farmer Myanmar

www.baganmart.com
လုပ်ငန်းရှင်များ ရောင်းဝယ်ရာ

Follow Us