မိုးခေါင်မှုကြောင့် ကမ္ဘာ့ဆန်ဈေး မြင့်တ&#

ဆန် ထုတ်လုပ်မှု အများဆုံး သုံးနိုင်ငံတွင် မိုးခေါင်မှုကြောင့် ကမ္ဘာ့ဆန်ဈေး မြင့်တက်နိုင် အာရှတိုက်၏ ဆန် ထုတ်လုပ်မှု ထိပ်သီး
နိုင်ငံကြီး များတွင် ဆိုးရွား ပြင်းထန်သည့် မိုးခေါင်မှု ဖြစ်ပေါ်နေသဖြင့် ကမ္ဘာ့လူဦးရေ ထက်ဝက်ခန့်၏ အခြေခံ စားသောက် ကုန်
ဖြစ်သော ဆန် ထုတ်လုပ်မှုများ ကျဆင်း လာကာ ကမ္ဘာ့ ဆန်ဈေးနှုန်းများ မြင့်တက် လာဖွယ် ရှိနေသည်။

ဆန် ထုတ်လုပ်မှု အမြင့်မားဆုံး အာရှ နိုင်ငံကြီး များတွင် အယ်လ်နီညို ရာသီဥတုနှင့် ဆက်စက် ဖြစ်ပေါ်လျက် ရှိသည့် မိုးခေါင်မှု
ပြဿနာကို ရင်ဆိုင်နေရပြီး ကမ္ဘာ့ ဆန်ထုတ်လုပ် မှုမှာ ၂၀၁၀ ပြည့်နှစ် နောက်ပိုင်း ပထမဆုံး အကြိမ် ကျဆင်း လာရန်ရှိနေသည်။
ကမ္ဘာ့ ဆန်တင်ပို့မှု အမြင့်မားဆုံး အိန္ဒိယနိုင်ငံမှာ အပူလှိုင်းဖြစ်ပေါ်မှုနှင့် ကြုံတွေ့နေရသလို ဆန်တင်ပို့မှု ဒုတိယ အများဆုံး ထိုင်း
နိုင်ငံ တွင်လည်း နှစ်နှစ်ဆက်တိုက် မိုးခေါင်မှုနှင့် ရင်ဆိုင်နေရသည်။ ထို့ပြင် ဗီယက်နမ်နိုင်ငံ၌ မဲခေါင်မြစ်ရေ လျော့နည်းမှုကြောင့်
လယ်ယာစိုက်ခင်းများ ရေပြတ်လပ်မှုဖြစ်ပေါ်လျက်ရှိကြောင်း သိရသည်။

အဆိုပါ သုံးနိုင်ငံမှာ ကမ္ဘာ့ဆန် ကုန်သွယ်မှုစုစုပေါင်း၏ ၆၀ ရာခိုင်နှုန်းကျော် ဖြစ်သော ဆန်တန်ချိန် ၄၃ သန်းခန့်ကို ရောင်း ၀ယ်
ဖောက် ကားလျက်ရှိကြောင်း သိရသည်။“လောလောဆယ် ဆန်အထွက် ကျနေပေမယ့် အိန္ဒိယနဲ့ ထိုင်းနိုင်ငံတို့မှာ ဆန်အပိုအလျှံ
များစွာရှိနေတာကြောင့် ဆန်ဈေး တက်လာတာ မတွေ့ရသေးပါဘူး။ ဒါပေမယ့် ဒါဟာ အမြဲတမ်းတော့ ဖြစ်မနေနိုင်ပါဘူး”ဟု အပြည်
ပြည် ဆိုင်ရာကောက်ပဲသီးနှံ ကောင်စီ (IGC) မှ စီးပွားရေး ပညာရှင် James Fell က ပြောကြားသည်။

အဆိုပါ သုံးနိုင်ငံ၏ ဆန် လက်ကျန် ပမာဏမှာ ၂၀၁၆ နှစ်ကုန်ကာလ၌ သုံးပုံ တစ်ပုံခန့် လျော့ကျကာ တန်ချိန် ၁၉ သန်းသို့ ရောက်
ရှိဖွယ်ရှိနေပြီး ၎င်း ကျဆင်းမှု သည် ၂၀၀၃ ခုနှစ် နောက်ပိုင်း အကြီးမား ဆုံး နှစ်အလိုက်ကျဆင်းမှု တစ်ခု ဖြစ်ကြောင်း အမေရိကန်
စိုက်ပျိုးရေး ၀န်ကြီး ဌာန၏ အချက်အလက်များအပေါ် အခြေခံ ထားသည့် ရိုက်တာ၏ ဆန်းစစ် တွက်ချက်မှုများ အရ သိရသည်။
ပုံမှန်အားဖြင့် ရောင်းလိုအား ပမာဏ များစွာ ကျဆင်းလျှင် ဈေးနှုန်းများ မြင့်တက် လာလေ့ရှိသည်။ ၂၀၀၈ ခုနှစ်က အယ်လ်နီညို
ရာသီဥတုဖြစ်စဉ်ကြောင့် အာရှတိုက်၏ ဆန်ထုတ်လုပ်မှုများ ကျဆင်းခဲ့ရပြီး အိန္ဒိယ နိုင်ငံတွင် ဆန်တင်ပို့မှု ပိတ်ပင်ရသည်အထိ
ဖြစ်ခဲ့ရသည်။ ထို့စဉ်က ကမ္ဘာ့ဆန်ဈေးနှုန်း များ အလွန်အကျွံမြင့်တက်ခဲ့ပြီး ဟေတီနိုင်ငံ ၌ စားနပ်ရိက္ခာရရှိရေး အုံကြွ မှုများ ဖြစ်
ပေါ် ခဲ့ရသလို ဆန်တင်သွင်းမှု ထိပ်သီးနိုင်ငံ ဖြစ်သည့် ဖိလစ်ပိုင်တွင်လည်း ဆန်ဝယ်ယူ ရရှိရေးအတွက် စီမံချက်များစွာကို ကျီးလန့်
စာစား ချမှတ်ခဲ့ရသည်။

အဆိုပါကာလက ရာသီဥတုဆိုးရွားမှု ပြဿနာကြောင့် ကမ္ဘာ့တစ်ဝှမ်းတွင် စားနပ် ရိက္ခာကျပ်တည်းမှုဖြစ်ရပ်များစွာ ဖြစ်ပေါ်ခဲ့ရ
သည်။ ၂၀၀၈ ခုနှစ်က ဆန်ဈေးနှုန်းများ၏ စံအမှတ်တစ်ခုဖြစ်သော ထိုင်းဆန်ဈေးနှုန်း များမှာ တစ်တန်လျှင် ဒေါ်လာ ၁,၀၀၀ ၀န်းကျင်အထိ
ရောက်ရှိခဲ့သည်။ ဆန်ဈေး နှုန်းများ အဆမတန် မြင့်တက်နေမှုကြောင့် အစားအစာအဖြစ် အသုံးပြုနိုင်သည့် အခြား
သီးနှံများဖြစ်သော ဂျုံ၊ ပဲပုပ်၊ ပြောင်းဖူး စသည့်သီးနှံများ၏ ဈေးနှုန်းများလည်း လိုက်ပါမြင့်တက်ခဲ့ရသည်။ လက်ရှိအချိန်တွင် ဖြစ်
ပေါ်နေသော ဆန်ဈေးနှုန်းများမှာ ၂၀၀၈ ခုနှစ်ထက် များစွာနိမ့်ကျနေသေးသော်လည်း ယခုလ အစောပိုင်းတွင် ဖြစ်ပေါ်ခဲ့သည့်
ဆန်ဈေး နှုန်းသည် ဇူလိုင်လနောက်ပိုင်း အမြင့်ဆုံး အဖြစ် တစ်တန်လျှင် ၃၈၉ ဒသမ ၅ ဒေါ်လာ ထိ ရောက်ရှိခဲ့သည်။ ၎င်းနှုန်းထား
သည် ပြီးခဲ့သည့် စက်တင်ဘာလအတွင်းက ဖြစ်ပေါ်ခဲ့သော ရှစ်နှစ်အတွင်း အနိမ့်ဆုံးနှုန်း တစ်တန်လျှင် ၃၄၄ ဒေါ်လာထက် ၁၃ ရာခိုင်နှုန်းခန့်
မြင့်တက်လာခြင်း ဖြစ်သည်။

ဖိလစ်ပိုင် အခြေစိုက် အပြည်ပြည်ဆိုင်ရာ ဆန်စပါး သုတေသနဌာနမှ Bruce Tolentino က အာရှဆန် လုပ်ငန်း၏ ခံနိုင်ရည်အား
နည်းမှု အပေါ် စိုးရိမ်ကြောင်း ထုတ်ဖော် ပြောကြားခဲ့သည်။“လောလောဆယ် မှာတော့ ဆန်ဈေးဟာ တည်ငြိမ်နေပါတယ်။ ဒါပေ
မယ့် အာရှ တိုက်က ဆန်အဓိကထုတ်လုပ်တဲ့ နိုင်ငံတစ် နိုင်ငံမှာ ကပ်ဘေးတစ်ခုခု ကြုံလိုက်တာနဲ့ ဆန်ဈေးက တက်လာမှာပါ”
ဟု ၎င်းင်းက ပြောကြားခဲ့သည်။ ၂၀၁၅ ခုနှစ်အတွင်း အိန္ဒိယဆန် ထုတ်လုပ်မှုမှာ အများအားဖြင့် တည်ငြိမ်ခဲ့ သော်လည်း အလွန်
အမင်း ပူပြင်းသည့်ရာသီဥတု က အိန္ဒိယအရှေ့ပိုင်းဒေသများရှိ နောက်ပိုင်း စပါးစိုက်ပျိုးမှုကို ခြောက်လှန့်နေကြောင်း သိရသည်။

အိန္ဒိယနှင့် ထိုင်းနိုင်ငံ တို့၏ လာမည့် မိုးရာသီ ဆန်ထုတ်လုပ်မှုမှာ စက်တင်ဘာ နှင့် ယခုနှစ်အကုန်မှသာ ဈေးကွက်သို့ ရောက်ရှိ
လာမည်ဖြစ်သဖြင့် ဆန်ဈေးနှုန်း များမှာ ဇွန်လအထိ ဆက်လက်မြင့်တက်ရန် ရှိနေသေးသည်ဟု ကုန်သည်များက တွက်ဆကြ
သည်။ IGC က ၂၀၁၆ ခုနှစ် ကမ္ဘာ့ဆန် ထုတ်လုပ်မှု ပမာဏကို ယခင် နှစ်ထုတ်လုပ်မှု တန်ချိန် ၄၇၉ သန်းထက် လျှော့ချကာ
တန်ချိန် ၄၇၃ သန်းဟု ခန့်မှန်းခဲ့ရာ ၎င်းသည် ခြောက်နှစ်အတွင်း ပထမဆုံးအကြိမ် ကျဆင်းမှု ဖြစ်လာခဲ့သည်။ အချို့သော အာရှ
နိုင်ငံများမှာ ဆန် တင်သွင်းမှု မြှင့်တင်ရန်ပြင်ဆင်နေကြပြီး အင်ဒိုနီးရှားအနေဖြင့် ၂၀၁၆ ခုနှစ်အတွင်း ဆန်တင်သွင်းမှု ၆၀ ရာခိုင်
နှုန်း မြှင့်တင်ကာ တန်ချိန် နှစ်သန်းအထိ တင်သွင်းသွားဖွယ်ရှိ နေသည်။

ကမ္ဘာ့ဆန်တင်သွင်းမှု ထိပ်သီးနိုင်ငံ ဖြစ်သည့် တရုတ်နိုင်ငံသည် နှစ်စဉ်ဆန် တန်ချိန် ငါးသန်းခန့် တင်သွင်းလေ့ရှိပြီး ယခုနှစ်တွင်
လည်း အဆိုပါပမာဏအတိုင်း ဆက်လက်ဝယ်ယူသွားဖွယ်ရှိနေသည်။ ဖိလစ်ပိုင်နိုင်ငံသည် ဆန်တန်ချိန် ၇၅၀,၀၀၀ တင်သွင်းခဲ့
သည့်တိုင် မတ်လ၏ ဆန်လက်ကျန်ပမာဏမှာ ပြီခဲ့သည့် အောက်တိုဘာလ နောက်ပိုင်း အနိမ့်ဆုံးသို့ ရောက်ရှိခဲ့ပြီး နိုင်ငံ၏ ကုန်
စည်ဝယ်ယူရေးအဖွဲ့ အစည်းအနေဖြင့် ဆန်တန်ချိန် ငါးသိန်း ထပ်မံဝယ်ယူရန် အခွင့်အာဏာပေးအပ် ခြင်းခံထားရကြောင်း သိရ
သည်။

credit: The Farmer 

www.baganmart.com

www.facebook.com/baganmart

Follow Us