မိမိကိုယ် မိမိ ရင်းနှီးမြှုပ်နှံခြင်း (Invest


နည်းနည်းသုံး၊ များများလုပ်၊ များများစုတဲ့ ဘဝနေထိုင်မှု ပုံစံဟာ လူငယ်တွေရဲ့ ဘဝကို တကယ်ပဲ တိုးတက် အောင်မြင်စေမလား ဆိုတာ စဉ်းစားစရာ အချက် တစ်ခု ဖြစ်ပါတယ်။ တကယ်တန်း ဖြစ်ရမှာက သင့်လျော် လျောက်ပတ်သလိုသုံး၊ များများလုပ်၊ စုသင့်သလောက် စုဖြစ်ပါတယ်။ ဘာကြောင့်လဲ ဆိုတော့ အသုံးစရိတ်ကို ခြိုးခြံ ချွေတာခြင်းက ယနေ့ခေတ်နဲ့ မသင့်လျော် ပါဘူး။
လူငယ်ဆိုတာ ရင်းနှီးရမယ့် နေရာတွေ အင်မတန်များပါတယ်။ အထူးသဖြင့် ပညာရေး ဖြစ်ပါတယ်။ ဒါ့အပြင် အခြားသော ရင်းနှီးမြှုပ်နှံစရာတွေ အများကြီးမှ အများကြီး ပါပဲ။ ဒါတွေကို မေ့ပြီးတော့ မရှိစလောက် ပိုက်ဆံကို စုနေကြတယ်။ အချို့ကျတော့ ဘာဆို ဘာမှ မစုပဲ သုံးဖြန်းနေကြ ပါတယ်။ ယင်း နှစ်ချက်စလုံးဟာ မှားယွင်းတာကြောင့် မိမိကိုယ်ကို ဘယ်လို ရင်းနှီးမြှုပ်နှံရမယ်ဆိုတာလေးကို ရေးသား မျှဝေပေးလိုက်ရ ပါတယ်။
ပညာတွင် ရင်းနှီးမြှုပ်နှံခြင်း
အားလုံး သိကြတဲ့ အတိုင်း ပညာရေး အတွက် ရင်းနှီးတော့မယ် ဆိုရင် နည်းနည်းသုံးလို့ မရတော့ ပါဘူး။ နည်းနည်းသုံးရင် ဈေးသက်သာတဲ့ ပညာရေး တစ်ခုသာ ရတော့မှာ ဖြစ်တာကြောင့် ဈေးသက်သာတဲ့ အလုပ်အကိုင် အခွင့်အလမ်းတွေပဲ ရရှိပါတော့မယ်။ စီမံခန့်ခွဲမှု သင်တန်း အောင်လက်မှတ်၊ စီမံခန့်ခွဲမှု ဒီပလိုမာနဲ့ စီမံခန့်ခွဲမှု ဘွဲ့ တို့ရဲ့ အာနိသင်တောင်မှ တစ်ခုနဲ့ တစ်ခု မတူတာတောင် သိလိမ့်မယ်။
ဒီလို ပြောလို့ သင်တန်းတက်မှ ပညာတတ်မယ်လို့လည်း မဆိုလိုပါ။ ဒါပေမယ့် ရှောင်လွဲလို့ မရတဲ့ logic တစ်ခုက အများ အသိအမှတ်ပြု သင်တန်း သို့မဟုတ် ကျောင်း တစ်ခုခုစီကနေ ရတဲ့ စာရွက်စာတမ်းများက မိမိရဲ့ အလုပ်အကိုင် အခွင့်အလမ်းများ အတွက် အထောက်အကူ ပြုနေခြင်း ဖြစ်ပါတယ်။
သင့် တစ်လ ဝင်ငွေ ၃ သိန်း ရတယ် ဆိုပါစို့။ တစ်ရက်ကို ဘတ်စ်ကားခ သို့မဟုတ် ခရီးစရိတ် ၁,၀၀၀ နဲ့ ရက် ၃၀ စာ တွက်ရင် ၃ သောင်း ရှိပါတယ်။ ထမင်းစရိတ်က မနက်၊ နေ့လည်၊ ညစာ သုံးခုပေါင်း ၃၀,၀၀၀ ဆိုပါစို့။ ဒါတောင် နှစ်ပြန်ဆီ၊ စားအုန်းဆီနဲ့ အချို့မုန့် ရောတဲ့ ဈေးသက်သာ ဟင်း၊ ထမင်းပါ။ တစ်လကို စားစရိတ်က ၁ သိန်း ရှိပါပြီ။ အဆောင် စရိတ် သို့မဟုတ် နေစရိတ်က တစ်လကို ၃ သောင်း။ ဒါတောင် သင် ရည်းစားထားရင် ကုန်မယ့် ငါးသောင်း မတွက်သေးဘူးနော်။ တစ်လ တစ်လကို ခြစ်ခြစ်ကုတ် သုံးရင် ပိုမယ့်ငွေက ၃ သောင်း ဝန်းကျင်ပဲ ရှိပါလိမ့်မယ်။ ဒါတောင် လစာ ၃ သိန်းနဲ့ တွက်တာပါ။ လစာ တစ်လ ၁သိန်းခွဲ သမားကနေ စတွက်ရင် တွက်ဝံ့စရာတောင် မရှိတော့ ပါဘူး။
ဒီအချိန်မှာ ငါ ငွေစုရမယ် ဆိုတဲ့ အတွေး ဝင်ရင် မှားတယ်လို့ မပြောချင်ပေမယ့် မှန်တယ်လို့လည်း မသက်ရောက် ပါဘူး။ ဘာလို့လဲဆို လူတွေဟာ မိမိကိုယ် မိမိ Self development (မိမိကိုယ်ကိုယ် တိုးတက်ရေး) လုပ်ရမယ် ဆိုတာကို မေ့ထားလို့ မရလို့ပဲ ဖြစ်ပါတယ်။ Self development လုပ်တဲ့ အခါ အလုပ်ကနေပဲ လုပ်သွားမှာလား တစ်ဖက်တစ်လှမ်း အားလပ် ချိန်မှာ လုပ်သွားမှာလား ဆိုတာကလည်း စဉ်းစားစရာ ဖြစ်ပါတယ်။ အလုပ်က သင်ပေးတဲ့ ပညာ ရှိတယ်။ မသင်ပေးတဲ့ ပညာရှိတယ်။ မိမိက အရောင်း ဝန်ထမ်း တစ်ယောက်ဆိုရင် စီမံခန့်ခွဲမှု ပညာကို သင်ထားသူက မိမိကိုယ် ခိုင်းပါလိမ့်မယ်။ မိမိက သူ့လို နေရာ ရောက်ချင်ရင် သူ့လို တတ်အောင်တော့ တတ်ဖို့ လိုအပ်မှာပဲ။ ဒီတော့ သင်တန်းဆိုတာ မဖြစ်မနေ ပြန်တက်ရ ပြန်ပါတယ်။ အဲ့ဒီမှာ ကုန်ကျစရိတ်က ပြန်ရှိ ပါတယ်။
တစ်ချိန်တုန်းက ဒုတိယ ကမ္ဘာစစ်ဖြစ်တော့ မြန်မာပြည်မှာ ပြည်သူတွေ ခြိုးခြံချွေတာဖို့ အတွက် ခေါင်းဆောင်တွေ မှာကြားပါတယ်။ မိမိရဲ့ အိမ်ဝိုင်းထဲမှာပဲ သီးပင် စိုက်ပျိုးဖို့ အတွက် ငရုတ်သီးတွေ၊ ငရုတ်ကောင်းတွေ အိန္ဒိယကနေ မှာမစားရစေဖုိ့ အတွက် တိုက်တွန်းပါတယ်။ ယင်းအချိန်တုန်းက မြန်မာပြည်တင်မက တစ်ကမ္ဘာလုံးက Sustainability (ရေရှည် တည်တံရေ ) ကို ဦးစားပေးခဲ့ကြရ ပါတယ်။ အကြောင်းကတော့ စစ်ဖြစ်နေတာကိုး။
ဒီခေတ်မှာတော့ ပြောင်းလဲလာပါပြီ။ ဒီခေတ်မှာက profibility (အကျိုးအမြတ် ရရှိရေး) ကို ကြည့်ရမှာ ဖြစ်ပါတယ်။ လက်ရှိ မြန်မာပြည်ရဲ့ သယံဇာတတွေဟာ ကုန်ဆုံးနေပြီပေါ့။ သစ်တောတွေ၊ အဖိုးတန် ရတနာတွေပေါ့။ အစရှိသဖြင့် ပြောဆိုနေမှုတွေ ရှိပါတယ်။ ဒါဟာလည်း မမှားပါဘူး။ သယံဇာတဆိုတာ သူ့ပမာဏ ကန့်သတ်ချက် မိုင်ကုန် တစ်ခု ရောက်ရင် ကုန်သွားမှာပါပဲ။ အဲ့ဒီလို အချိန်ခါကျရင် ဘယ်လို လုပ်ကြမလဲပေါ့။ မြန်မာပြည်ကြီး ဆင်းရဲသွားပါမလားပေါ့။ စာရေးသူ အမြင်အနေနဲ့ ဆိုရင် ဒါတွေဟာ စိုးရိမ်စရာ မဟုတ်ပါဘူး။ ဘာလို့လဲဆို Capital တွေထဲမှာ Human Capital က အရေးကြီး အချက်ကျဆုံး ဖြစ်ပါတယ်။ Resource တွေထဲမှာ Human Resource က အရေးကြီး အချက်အကျဆုံး ဖြစ်ပါတယ်။ Human ကနေပဲ material တွေကို စီမံ ခန့်ခွဲ အသုံးပြုခြင်း ဖြစ်တာကြောင့် human တစ်ခုသာ ကောင်းရင် development တစ်ခု ရရန် လုပ်ဖို့ လွယ်ကူပါတယ်။
အနီးစပ်ဆုံးအားဖြင့် စင်္ကာပူတို့လို နိုင်ငံကို ယှဉ်ပြီးတော့ လေ့လာနိုင်ပါတယ်။ ဘာ သယံဇာတမှ မရှိတဲ့ တိုင်းပြည်ကို ကမ္ဘာ့ မြို့ကြီး ဖြစ်အောင် လုပ်သွားတာ Human capital ကောင်းလို့ပါ။ ခေါင်းဆောင် လီကွန်ယု က ဦးဆောင်ပြီးတောင် တိုင်းပြည် နိုင်ငံသား အားလုံးရဲ့ လူနေမှု အဆင့်အတန်းတွေ၊ အကျင့် စရိုက်တွေ၊ ပညာတွေကို ပြုပြင် ထိန်းကျောင်း ပေးခဲ့ရာ ယနေ့ ကမ္ဘာမှာ စင်္ကာပူမှာ ရင်ကော့ ခေါင်းမော့နေရတဲ့ အဆင့်ကို ရောက်ခဲ့ ပါတယ်။ ဂျပန်နိုင်ငံကို ကြည့်ကြည့်ပါ။ ဆူနာမီငလျင် လုပ်လို့ ပြီးပြီးချင်း ပျက်ဆီးတဲ့ နေရာဒေသတွေမှာ သူအရင်ဆုံး စလုပ်တဲ့ တည်ထောင်ရေး လုပ်ငန်းစဉ်က ပညာရေးပဲ ဖြစ်ပါတယ်။ တဲတွေထိုးပြီး စာသင်ပေးပါတယ်။ Human capital/ Human resource ဟာ တိုင်းပြည်ရဲ့ ရတနာ ဖြစ်တယ်ဆိုတာကို သိထားလို့ ဖြစ်ပါတယ်။
ဒါတွေဟာ ခေါင်းဆောင်တွေ လုပ်ပေးမှ တိုင်းပြည် နိုင်ငံသားတွေ လုပ်ရမယ်လို့ မဆိုလိုပါ။ ဘယ်သူမပြု မိမိမု ဆိုသလိုသာပဲ မိမိကိုယ် မိမိ ကောင်းအောင်လုပ်မှ ရမယ့် အနေအထား တစ်ခုမှာ မိမိကိုယ်ကို ကောင်းအောင် ကြိုးပမ်း ဆောင်ရွက်ထားဖို့ လိုအပ် ပါတယ်။ မိမိကိုယ် မိမိ ရင်းနှီးမြှုပ်နှံခြင်းဆိုတာ များသောအားဖြင့် ပညာရေးမှာ အသုံးချခြင်း ပိုမို သဘော သက်ရောက် ပါတယ်။ ပညာ ဆိုတဲ့အခါ အလုပ် လုပ်ရင်းနဲ့ ရလာတဲ့ အလုပ် အတွေ့အကြုံဟာလည်း ပညာပဲ ဖြစ်သလို ကျောင်းပညာ တတ်မြောက်မှ ရတာကလည်း ပညာ ဖြစ်ပါတယ်။ Vocational knowledge (သက်မွေးမှု ဆိုင်ရာ အသိပညာ) နဲ့ Academic Knowledge (ပညာရေး ဆိုင်ရာ အသိပညာ) နှစ်ခု ပေါင်းစပ်ပါမှ ပြည့်စုံတဲ့ ပညာ ဖြစ်ပါလိမ့်မယ်။ ဒီတော့ မိမိတွေ ဒီအချိန်မှာ ငွေ အသုံးစရိတ် လျော့ပြီး ပိုက်ဆံစုဖို့ စဉ်းစားနေမယ့် အစား လိုအပ်တယ် ထင်တဲ့ ပညာမှာ ရင်းနှီးမြှုပ်နှံရပါမယ်။
အချိန်တွင် ရင်းနှီးမြှုပ်နှံခြင်း
တကယ်တန်း မိမိ ချွေတာ စုဆောင်းရမှာက အချိန်ပါ။ အချိန်ကို သေချာ ခွဲဝေ အသုံးချလိုက်နိုင်မယ်ဆိုရင် သင်တန်းတက်ဖို့ သို့တည်းမဟုတ် မိမိကိုယ်တိုင် လေ့လာဖို့ အတွက် သီးသန့် အချိန်လေးတွေ ထွက်လာပါလိမ့်မယ်။ တစ်လ ကို တက္ကဆီဖိုး တစ်သိန်းလောက် ရင်းမယ်ဆိုရင်လည်း စဉ်းစားကြည့် ဒီ တစ်သိန်း ရင်းလိုက်လို့ ငါ့အတွက် အချိန်ပို ဘယ်လောက် ထွက်မလာလဲ။ စိတ် အနှောင့်အယှက် ဘယ်လောက် သက်သာသွားမလဲ။ ယင်း သက်သာမှုများကြောင့် ငါ့ရဲ့ လုပ်အားကို ဘယ်လောက် တိုးလာစေနိုင်သလဲ။ ငါ့ရဲ့အလုပ်အတွက် အတွေးသစ် အမြင်သစ်တွေ ထုတ်ဖို့ အတွက် အာရုံနှောက်စရာတွေ ဘယ်လောက်တောင် ကင်းသွားမလဲပေါ့။ ယင်းအချက်တွေကို balance လုပ်တဲ့အခါ တက္ကဆီဖိုး တစ်သိန်း ရင်းခြင်းက မိမိအတွက် ၂ သိန်း ပြန်ရရင် ဘာလို့ မရင်းရမှာလဲ။ ရင်းနှီးမြှုပ်နှံမှုလို့ ဆိုတဲ့ အထဲမှာ လူတွေဟာ မိမိရဲ့ အချိန်ကို ပိုရဖို့ အတွက် ငွေ ရင်းနှီးမြှုပ်နှံဖို့ မေ့နေကြပြီး တန်ဖိုး တည်ငြိမ်မှု မရှိတဲ့ ပစ္စည်းနဲ့ ပိုက်ဆံတွေကိုသာ စုပြီး ရင်းနှီးမြှုပ်နှံမိနေကြ ပါတယ်။ မကုန်သ့င်တဲ့ အချိန်တွေလည်း ပိုကုန်နေကြ ပါတယ်။
လူငယ်ရဲ့ သဘောတရားက ဒါလုပ်ရင် ဒါဖြစ်ရမှာကို ပိုလိုချင်တယ်။ ဒီနေ့ လုပ်ရင် ဒီနေ့ ချက်ချင်း အကျိုးအမြတ် ရချင်တယ်။ အချိန်တို အတွင်း ရရှိလာမယ့် အကျိုးကျေးဇူးကို ပိုလို့ လိုချင်တာ သဘာဝပါ။ အကြောင်းက သူဟာ အမြဲ ဆာလောင်နေတယ်။ ဘာကို ဆာလောင်သလဲဆို အောင်မြင်မှုတွေ၊ ဂုဏ်တွေ၊ ပညာတွေ၊ စီးပွားရေးတွေပေါ့။ တကယ်တန်းကျတော့ ယင်းအချက်တွေကို ရရှိဖို့ အတွက် ရင်းနှီးမြှုပ်နှံမှုဟာ ရည်ရှည် လုပ်ရပါတယ်။ များများရင်းရင် များများ ရသလိုပဲ အချိန်ကြာကြာ ရင်းရင် ပိုမိုကြီးမားတဲ့ ရလဒ်ကို ပြန်ရတတ် ပါတယ်။
အားကစားတွင် ရင်းနှီးမြှုပ်နှံခြင်း
စာရေးသူ အနေနဲ့ စင်္ကာပူကို ရောက်သွားတဲ့ အချိန် ဆန်တိုဆာ အပန်းဖြေကျွန်းရဲ့ ကစားကွင်းတွေထဲမှာ လူငယ်တွေ အစု အဖွဲ့လိုက် ပြေးနေတာတွေ့သလို၊ အစုလိုက် ကနေကြသူများလည်း ရှိပါတယ်။ သူတို့လေးတွေကို ရုပ်တည်တည်နဲ့ စကားသွားပြော မေးကြည့်တော့ ကုမ္ဗဏီ အသီးသီးမှာ ဂျူနီယာ အဆင့် အင်ဂျင်နီယာများ၊ မန်နေဂျာများ၊ မာကဲတင်း သမားများ ဖြစ်ပါတယ်။ အသက်အားဖြင့်က ၂၀ ကျော်ကနေ ၃၀ ကျော် ဝန်းကျင် အထိလည်း ပါဝင်ပါတယ်။ သူတို့ အနေနဲ့ ယင်းကဲ့သို့ သူငယ်ချင်းများနဲ့ စုပြီးတော့ အဖွဲ့များ ဖွဲ့ပြီး ပြေးခြင်း၊ ရေကူးခြင်း၊ ဘောလုံးကန်ခြင်း၊ ကခြင်း၊ စက်ဘီးစီးခြင်း တို့ကို လုပ်ကြခြင်း ဖြစ်ပါတယ်။ အချို့ကျတော့လည်း တစ်ဦးချင်း လုပ်ကျတာ ရှိသလို အချို့ကျတော့ မိသားစုလိုက် လုပ်ကြ ပါတယ်။ အချို့ကျတော့ ညနေ အလုပ်က ပြန်တဲ့အခါ အိမ် ပတ်ဝန်းကျင်မှာ ပြေးလွှားခြင်းတို့ ပြုလုပ်ကြ ပါတယ်။
ဒါကြောင့်မို့ စင်္ကာပူမှာ လူငယ်တွေ ကြည့်လိုက်ရင် ကျန်းမာ သန်စွမ်းပြီး စမတ်ကျ၊ လှပနေသူ များပြား ပါတယ်။ မြန်မာပြည်နဲ့ ပြန်ယှဉ်ကြည့်တဲ့ အခါ အားကစားကို လိုက်စားသူ အင်မတန် နည်းတာကို တွေ့ရ ပါတယ်။ အကြောင်းပြချက်ကို မေးလိုက်ရင် ကြက်တောင်ရိုက်ဖို့ အတွက် ဘတ်တန် မဝယ်နိုင်တာတို့၊ အချိန် မရတာတို့၊ စက်ဘီး မဝယ်နိုင်တာတို့၊ သွားဆော့စရာ နေရာ မရှိတာတို့ အစရှိသဖြင့် အကြောင်းပြချက် အမျိုးမျိုး ရှိပါတယ်။ အမှန်တော့ အားကစား လုပ်ခြင်းဟာ မိမိရဲ့ ဘဝ စွမ်းဆောင်ရည်နဲ့ ထပ်တူနီးပါး သွားကျ ပါတယ်။ အားကစား တစ်ခုကို လိုက်စား လုပ်ဆောင်နေသူ တစ်ဦးဟာ တက်ကြွ ဖြတ်လတ်မှု ရှိပြီး အလုပ်မှာလည်း Active ဖြစ်သလို၊ ပိုလည်း အလုပ် လုပ်နိုင်ကြ ပါတယ်။
မြန်မာပြည်က လူငယ်တွေကို မေးလိုက်ရင်ဖြင့် အချိန်တွေ ဘတ်စ်ကားပေါ်မှာပဲ ကုန်နေကြောင်း အချိန် မရကြောင်းက အဓိက အကြောင်းပြချက် ဖြစ်ပါလိမ့်မယ်။ အားကစားကို နေ့တိုင်း မလုပ်နိုင်ရင် လုပ်စရာ မလိုပါဘူး။ တစ်ပတ်ကို တစ်ရက် သို့မဟုတ် နှစ်ရက် အားကစားနည်း တစ်ခုခုကို ပုံမှန် လိုက်စားနေသင့် ပါတယ်။ ဒါဟာလည်း ရင်းနှီးမြှုပ်နှံမှု တစ်ခုပါ။ သူ့မှာ ရင်းနှီးမြှုပ်နှံခြင်း အကြောင်း body အပြင်ပိုင်း ကျန်းမာရေး အတွက်သာ မက စိတ်ဓာတ်ပိုင်း ဆိုင်ရာနဲ့ ဥာဏ်ရည် ဥာဏ်သွေးဆိုင်ရာတို့မှာ များစွာ အထောက်အကူ ပြုပါလိမ့်မယ်။ သွေးလည်ပတ်မှု ကောင်းနေတဲ့ လူတစ်ယောက်ဟာ ဦးနှောက်နဲ့ ကိုယ်အစိတ်အပိုင်း လုပ်ဆောင်ချက်များကို တိုက်ရိုက် ကောင်းကျိုး ပေးတာကြောင့် လုပ်ဆောင်ချက်တွေ ပိုတက်စေပါလိမ့်မယ်။
ကျန်းမာရေးတွင် ရင်းနှီးမြှုပ်နှံခြင်း
ဖွံ့ဖြိုးပြီး တိုင်းပြည်တွေမှာ တစ်နှစ်ကို ဘယ်နှစ်ကြိမ်ဆိုပြီးတော့ နိုင်ငံသားတိုင်း တစ်ကိုယ်လုံး ဆေးစစ်ခွင့် ရှိပါတယ်။ မြန်မာပြည်မှာဒါတွေ မရလို့ စိတ်မညစ်ပါနဲ့။ မိမိမှာ ရှိတဲ့ ပိုက်ဆံနဲ့ ကိုယ်တိုင် အကုန်ကျ ခံလုပ်ပါ။ ကိုယ်ကိုယ်တိုင်ကို လူ အကောင်းကြီးလို့ ထင်ကောင်း ထင်နေပေမယ့် ဆေးစစ်တဲ့ အခါမှ ဆိုးတာတွေ မြင်ရင် ဘယ်နှယ့်လုပ်မလဲ။ ကြိုသိထားရင် ကာကွယ်လို့ ရပါတယ်။ အံသွား နှုတ်သင့်သလား၊ ဘီပိုး ကာကွယ်ဆေး ထိုးသင့်သလား၊ အူအတက် အန္တရာယ် ရှိလား အစရှိသဖြင့် အားလုံး လေ့လာထားဖို့ လိုအပ် ပါတယ်။
နောက်တစ်ချက်က အစားအသောက် ဖြစ်ပါတယ်။ ကျန်းမာရေးနဲ့ ညီညွတ်တဲ့ အစား အသောက်တွေကို စားသုံးပေးရန် လိုအပ် ပါတယ်။ ရန်ကုန်လို မြို့မှာဆိုရင်ဖြင့် သန့်ရှင်း လတ်ဆတ်မှု မရှိတဲ့ လမ်းဘေး အစားအစာများ အင်မတန် ပေါများ ပါတယ်။ စားအုန်းဆီ၊ နှစ်ပြန်ဆီ အသုံးပြုခြင်းတို့ကြောင့် ကင်ဆာကို ဖြစ်စေပါတယ်။ အချိုမှုန့်ကြောင့် ဥာဏ်ရည် ဥာဏ်သွေး ကျစေပြီး နှလုံးရောဂါတင်မက အခြားသော ရောဂါများ ဖြစ်စေ ပါတယ်။
ရန်ကုန်မြို့ရှိ အစားအသောက် ၅၀ ရာခိုင်နှနုး လောက်က ကျန်းမာရေးနဲ့ မညီညွတ်နေပါဘူး။ ကျန်းမာရေးနဲ့ ညီညွတ်အောင် စားဖို့ ကြိုးစားပြန်တော့ ကုန်ကျစရိတ်က များပြန်ပါတယ်။ ထမင်း တစ်နှပ် သုံးထောင်လည်း ဖြစ်ကောင်း ဖြစ်သွားပါလိမ့်မယ်။ အိမ်မှာ အမေ ချက်ပေးရင်တော့ ကုန်ကျစရိတ် သက်သာတာပေ့ါ။ အပြင်မှာ စားသူများ ဆိုရင်ဖြင့် ကျန်းမာရေးနဲ့ မညီညွတ်တာကို ရှောင်ကြဉ်ပြီး ကျန်းမာရေးနဲ့ ညီညွတ်တာတွေကိုပဲ ရွေးစားရပါမယ်။ ကုန်ကျစရိတ် များပါလိမ့်မယ်။ ဒါပေမယ့် ဒါဟာလည်း ရင်းနှီးမြှုပ်နှံမှု တစ်ခုပါ။ ယင်း ရင်းနှီးမြှုပ်နှံမှုဟာ ချက်ချင်းလည်း အကျိုးထူးသလို အသက်ကြီးတဲ့ အချိန်အထိကိုလည်း အကျိုးကျေးဇူးများစွာ ဖြစ်ထွန်းစေပါလိမ့်မယ်။
ဒီတော့ အနှစ်ချုပ်ရမယ်ဆိုရင် ကိုယ် ရင်းနှီးမြှုပ်နှံရမယ့် နေရာတွေက ပညာမှာ ရှိမယ်။ အချိန်မှာရှိမယ်။ အားကစားမှာ ရှိမယ်။ ကျန်းမာရေးမှာ ရှိပါမယ်။ ဒီထက်မကပဲ ကိုယ့်ဆီမှာ ငွေကြေးတွေလည်း ရှိတယ်။ ပညာလည်း စုံတယ်ဆိုရင် နောက်ထပ် ရင်းနှီးမြှုပ်နှံရမှာက ကိုယ်ပိုင် စီးပွားရေး လုပ်ငန်း ဖြစ်ပါတယ်။ မြေကွက်ဝယ်ခြင်း

Follow Us